名模熊黛林（Lynn）今年4月為老公郭可頌（Ken）誕下可愛孖女Kaylor和Lyvia，早前還舉行百日宴大事慶祝，孖女雙雙亮相，但未清楚睇到萌樣。Lynn昨日於社交網上載兩位小公主的照片，囡囡穿上同款的白色T恤配粉紅色公仔圖案短裙仔，旁邊還有兩隻可愛兔公仔，頭上戴了不同款色的粉紅色頭箍，得意到爆！兩位小公主的真面目今次終於看清楚，雖然是孖生姊妹，但明顯不同樣，難怪Lynn寫上：「Mini Ken and Mini Lynn！」一個似爹哋、一個似媽咪，平均分配都不錯。