「理財界女神」Bell Bell跳鋼管舞減壓

「理財界女神」Bell Bell因跟朋友遊船河而結識到網台朋友，無啦啦到網台當了客席主持，跟周中大廚做美食節目。正職是理財顧問的她笑言，不要以為其外表斯文兼數口精，其實都有好動一面，放工會去學鋼管舞Relax身心。對於人前跳鋼管舞可會尷尬？她說：「咁又唔會，未去到公開表演，就算跳嘅時候都好投入，唔理得咁多。」問到可會全身投入娛樂圈發展？她坦言只視為玩樂性質，理財顧問才是她專注的事業：「要趁後生多儲錢然後投資，我嘅目標係賺到第一桶金嚟買磚頭。」自問不是典型港女，不愛追求名牌及買包包。