古天樂被擺上枱白豬照「出土」

古天樂、張智霖（Chilam）、鄧麗欣（Stephy）、鄭嘉穎、陳庭欣與黃百鳴等，前晚在銅鑼灣出席新片《L風暴》首映禮，活動上拿出Chilam與古仔合作《天地男兒》的劇照，相中的古仔皮膚白皙，他看到相片後有點尷尬，笑指大會整蠱他。

預告裸曬賀報捷

記者指他見到23年前的舊照時似乎不開心？古仔說：「係錯愕，明明講緊佢哋生日，無端端又拎張相出嚟，被擺上枱，點會唔開心，當然冇關係！」提到將為新片「變白」？他說：「黑番喇！呢排拍戲曬。」問Chilam可想曬黑？他笑說：「我都鍾意黑，試過曬燈，但出咗好多雀斑，搞到塊面一點點咁。」古仔聞言笑說：「係咪老人斑呀？」問到票房好會如何慶祝？Chilam說：「依家要睇全球票房，若果有三數億，我就裸曬燈！」古仔笑說：「咁我着衫曬燈啦！」

陳庭欣與Stephy都扮靚靚撐首映。	Stephy	新婚的嘉穎春風滿面。

Stephy有王子撐場

同場的Stephy春風滿面，問男友邱勝翊（王子）可會撐場？她甜笑說：「佢會支持。（平時拍拖都係睇戲？）都係睇戲同食飯啦！仲有就係去旅行。」中秋可有機會人月兩團圓？她說：「我哋都唔喺香港，大家都有工作。（已經約好去旅行？）去都唔話你知啦！唔係嘅。」

另外，該片正式上映錄得逾103萬單日票房成績，跑贏一眾開畫外語片，成為同日票房冠軍，開畫票房更累計110萬，在近期港產片開畫成績中一枝獨秀，令人鼓舞。