丁子朗小器等發育讚森美雄偉

藝人森美、丁子朗、麥美恩（Mayanne）及吳若希昨日到尖沙咀出席節目《森美旅行團》祝捷會，目前最高收視已達25.2點，反應相當理想！節目有好成績，森美戥幕後開心：「唔可以入晒我哋數，係佢哋嘅努力，做到唔止係旅遊節目，諗到節目咁好玩好難得，我依家怕拍得太好玩，觀眾預期有120分，去到得80分點算！」

剝衫吸納男粉絲

講到與丁子朗一同浸溫泉，節目後期製作將兩人重要部分加上「禁」字，不少觀眾笑指森美的「禁」字比丁子朗小，他解釋：「我個人企後啲啲啫！係視覺效果，其實應該跟番Size啦！」子朗則爆笑說：「（森美）大哥梗係大啲啦！我『小器』，仲發育緊。」

森美也不忘「讚」麥美恩的身材，笑說：「佢着臉堅尼落溫泉，啲人以為係電工男同事呀！其實件衫好性感，係Mayanne先可以做到咁老少咸宜，不過都展現到佢可愛一面嘅！（到你着？）我太玲瓏浮凸喇！」丁子朗笑言節目播出後多了不少粉絲：「見到多咗人關注我，不過都係男性多，今次真係抵剝！」

吳若希唔覺有威脅

Mayanne亦笑言多了不少粉絲，在節目中她有不少搞笑造型被網友Cap圖熱議，問會否覺得犧牲大？她笑說：「少少啦！見到大家都識笑，做到節目嘅效果，我純粹係一點紅，未至於搶鏡。 」對於森美笑她身材老少咸宜、大獲好「平」，她說：「多謝森美，就係夠平先望到隻老虎，加上凸顯到我個『躉』！」拍檔吳若希則為Mayanne平反，指齊齊除衫浸溫泉時，親眼見證其好身材：「其實佢都有玲瓏浮凸，我老公有Replay浸溫泉一幕，睇完又係咁笑。（呷醋？）唔會，因為冇威脅，哈哈！」