陳秀雯跟後生仔學嘢

久未拍劇的藝人陳秀雯昨日與廖啟智於將軍澳拍攝ViuTV劇集《教束》，秀雯笑指上一套播出的劇集是多年前的《跟紅頂白大三元》，她說：「真係好似同智叔（廖啟智）做0架！（今次因為廖啟智先答應？）梗係一個好重要嘅原因啦！（咩原因令你出山？）今次我係演校長，未演過，我以前讀書嗰陣已經好鍾意睇校園片，我覺得每個年代都應該有，劇本好嘅話，會係一個好好嘅劇種！」
陳秀雯答應拍劇，因為能與廖啟智拍檔。
陳秀雯答應拍劇，因為能與廖啟智拍檔。

唔使捱夜好舒服

她指參演旳一眾年輕演員比其子年紀還要細，覺得新世代有新思維，她亦有要學習的地方。問到久未拍劇會否難以適應密集的開工時間，秀雯說：「唔會，都唔使捱夜，校園戲都係日頭拍，未試過拍劇拍得咁舒服。」

廖啟智就表示今次與年輕人合作，像重返校園一樣：「係衝勁同創意，同年輕人合作，我都要組織吓。」又說要在暑假前拍畢劇集，所以都幾趕。他倆又指劇中有講及教育問題，更有爆炸性的主題。

廖啟智、陳秀雯
  • 廖啟智、陳秀雯
與一班年輕人合作，陳秀雯笑言要學吓新思維。
  • 與一班年輕人合作，陳秀雯笑言要學吓新思維。