羅泳嫻執二手牛仔褲招女鬼

事件發生在日本國分寺車站旁一間廟內，羅泳嫻說：「嗰時成日放學都經過呢間廟，白天時好靚，但入黑後冇燈好陰森。有一日返學經過廟時，聽到有個女人『啊……』咗一聲，我回頭望冇人，廟內又冇人！」

失蹤女遺留行李

自從把「女聲」出現後怪事就發生，羅泳嫻說：「我瞓閣樓，開始聽到樓下有聲，有晚未瞓着，覺得有人爬樓梯上嚟，開燈後又冇嘢！之後將件事向同學分享，佢哋話『人家』唔會無端端叫你嘅，問我係咪攞咗人嘢而唔知？」之後她想起有位台灣阿姨曾表示，有一名女仔朋友失蹤後留低很多行李，見二人差不多高度，叫她攞兩條牛仔褲返去，盛情難卻，羅泳嫻惟有照攞！她於是肯定是牛仔褲出事，並說：「之後我想搵番條牛仔褲出嚟，期間不斷有怪聲傳出，我眼尾仲閃過一個着住藍色牛仔褲嘅人影！終於畀我搵番兩條褲出嚟，攞去燒咗，之後我就搬走咗！」

爆粗趕極唔走

她搬走後，輪到表弟入住上址，有一日她致電表弟，表弟表示：「佢（個女人）喺度仲騷擾緊我！」她說：「嗰隻嘢喺表弟瞓覺時責住佢，平時表弟打工已經攰到死，嬲到講粗口鬧佢，隻嘢仲會喺屋企行來行去，搞啲窗簾，表弟忍咗半年先搬走。」