鄧達智情侶西裝賀另一半
時裝設計師鄧達智（William）的伴侶陳梓欣（Clement），由公營醫院轉到醫療中心做私家醫生，昨日其工作的中心正式開幕，鄧達智以另一半身份出席，兩人穿起情侶西裝，又互相整理襟花，Sweet爆全場，鄧達智說：「之前佢冇講要一齊主持開幕、剪綵同切燒豬，不過OK嘅，幾Sweet。（送咩禮物畀Clement？）我哋一齊着情侶裝出現已經係禮物，物質唔需要。」
早前兩人在英國註冊後，便到挪威及意大利度蜜月，旅程中，Clement感受到另一半的愛，他說：「佢原來畏高，我哋去到挪威嘅惡魔之舌時，佢都猶豫咗一陣，但去到空中懸石，佢真係頂唔順，我覺得一個畏高嘅男人肯陪你行高山，好感動，會更加愛佢。有時我揸車佢都唔肯瞓，因為唔想我一個人，覺得佢好愛護我。」