娛樂
陳智燊暫別妻兒 歐洲搵奶粉錢
陳智燊承認以前比較被動,現時會主動爭取機會。
藝人陳智燊(Jason)離開無綫後向世界出發,下個目的地是歐洲、新加坡及馬來西亞等。向來按部就班的他表示:「其實離開公司都唔係突然之間嘅決定,自己想學多啲嘢。(乜嘢動力推動你?)我同Sarah結婚後係倍數咁成長,依家為咗家庭同個仔,都要見吓唔同嘅世界,唔想再咁被動、停滯不前。以前我好『聽話』,好多嘢都只會跟指示去做,依家我會主動啲,畀多啲意見,多咗一份執着。」
搵英國導演合作
對任何演藝活動都有興趣的Jason,最想嘗試拍電影、演舞台劇,甚至拍網劇。說得一口流利英語的他表示,不少美國製作公司喜歡找英國演員演出,故他早前找了幾位英國導演傾合作:「好似吳彥祖咁,佢都唔係好『地道』,當然我同佢仲有一段好大嘅距離,但都想試吓做其他嘢。」
老婆宋熙年與將出世的兒子,是陳智燊的工作動力。
提到兒子即將出世,若他到外地發展,豈不是要跟妻兒分開?似乎未想過這問題的他想了一會才說:「之後九月尾我要去歐洲拍嘢,但嗰陣阿仔應該未滿月,其實我仲未消化到呢件事,但冇理由推咗個Job唔做,我覺得值得嘅,最多忙完之後多啲陪個仔。」
場地:香港嘉里酒店