敏之囝囝表演欲強

藝人陳敏之前晚為節目《流行經典50年》錄影。敏之透露在家練歌「開聲」時，囝囝會跟着大叫：「佢遺傳晒我啲表演欲，我哋一齊開聲，老公就話好嘈。囝囝依家開始講外星話，亦有自己社交圈，我帶過佢同胡杏兒囝囝玩，佢同梁烈唯囡囡係Playgroup同學。」她表示明年囝囝會報讀學前班：「我唔係怪獸家長，唔追求名牌學校。（追多個？）囝囝要伴嘅，但想等佢再大啲先，況且我拍劇到11月，一定唔係今年。」