黎瑞恩的新專輯《VTouch感動》剛推出，卻被發現其專輯海報上將新歌《剩下光年》的作曲人雷頌德（Mark）名字誤寫成「雷頒德」。身在美國開唱的黎瑞恩對海報出錯全不知情：「嘩！我依家喺美國做緊嘢喎，乜發生件咁嘅事咩？我諗你問番星娛樂好啲，因為我都覺得唔係幾好意思，都要同Mark Lui講聲Sorry先得，同埋我諗下次我除咗唱歌，要做埋校對囉！」而發行專輯的星娛樂發言人則表示，最初第一批張貼在唱片舖的海報是有出錯，發現後已即時作出更正。