開P告別單身

一對新人前晚度過最後一個單身晚上,加上大班由香港遠道飛到峇里觀禮的藝人到埗,嘉穎當然要好好招待,故前晚特別在酒店外揀選一間印尼餐廳,包場舉行Welcome Party慶祝,見嘉穎笑得勁冧,並與Grace滿場飛招呼親友,笑到見牙唔見眼!

不過,無綫出身的嘉穎和現役包薪藝人Grace卻「自己人」都冇面畀,事緣無綫節目《東張西望》前往當地採訪婚禮過程,攝製隊採訪Party期間,一度被攔截,其後在餐廳門外拍攝,亦因拉上窗廉,未能採訪。《東張》主持容善媛昨晚表示,在不打擾情況下超額完成工作,已交到差了。