張敬軒帶攞你命三千抗地獄廚神

張敬軒（右）與洪卓立帶定輻射探測器、口罩及食物夾等，明顯對美女炮製的食物冇信心。

洪卓立食定止屙丸

張敬軒指為洪卓立準備了口罩，好讓對方接受現場的美女人工呼吸，洪卓立即說：「其實可以直接人工呼吸！」張敬軒笑說：「你死喇，今晚瞓廳啦！」並指當所有搶救措施無效，就要靠「招魂銅鈴」救醒大家：「我哋兩個都係『敏感肚』，對唔乾淨嘅食物反應好大，我都食定胃藥。」洪卓立亦說：「試過幾次喺內地臨出騷前肚屙，Bob之前都叫我食定止屙丸，我決定有乜唔妥就一啖都唔食。」

爆鍾舒漫味蕾出事

問到他們心目中的「地獄廚神」時，洪卓立笑指鍾舒漫味蕾有問題：「有次去新加坡食『撈起』，坐低已經聞到變壞，但佢仲瘋狂咁食，佢味蕾令到佢煮出嚟啲嘢有啲奇怪，所以上去佢屋企食飯，都會買定外賣以防萬一。」

張振朗（左起）、蕭正楠與林盛斌主持的《美女廚房》大受觀眾歡迎。	王菀之上《美女廚房》大顯身手。	鍾舒漫被嘲廚藝差。