祝福張馨予嫁武警 吳卓羲:我夠係警察!

劉心悠、吳卓羲(Ron)前晚在旺角女人街拍攝電影,打扮猶如盜墓者羅拉的心悠透露拍追逐戲時拉親右腿肌肉,仍堅持由中午拍到晚上:「場戲講我同卓羲畀人追,我唔記得拉筋,卓羲又跑得快,拉起我就整親。(佢搞到你受傷喎!)唔係!係我跟唔切咋!佢好照顧我。」Ron則表示寧願跑快點一Take過,不用NG,又讚心悠專業。問到二人有沒有親熱戲?他說:「冇呀!少少失望,拖手已經好親熱喇!點知一拖佢,佢就拉親,真係唔好意思!」講到舊愛張馨予嫁人,他大方送祝福,對於對方老公是位反恐武警,經常拍劇演警察的他笑說:「我夠係警察咯!總之恭喜佢啦!」