郭秀雲：唔知食咗咩藥物
吳綺莉女兒吳卓林前日被揭流落加拿大街頭，有網民拍得她在多倫多購物中心外，拖着一個篋，疑拾荒維生，更似乎未知下一個目的地在哪，生活情況令人擔憂！吳綺莉的好友郭秀雲昨日被問及此事，她指不能肯定相中人是卓林，並感嘆：「邊有可能有阿媽唔錫自己個女，怪就怪阿媽以前太縱個女，真係見到都肉赤。」
她又指卓林很久以前曾在Facebook跟她溝通過，其女友亦有Text過她，郭秀雲說：「但我冇理佢，後來佢就Text嚟鬧我，我都冇睬佢，好多個月前啦！」她直言卓林現正處於超級反叛期，並謂：「唔知佢食咗啲咩藥物，影響到佢咁，擔心係唔知卓林幾時先醒，啲藥食得多對身體唔好。」並指吳綺莉情緒OK，無奈現階段甚麼都做不到。
至於與卓林分屬好友、郭秀雲的兒子龐景峰，表示不知道卓林是否在加拿大拾荒維生：「我真係咩都唔知，我同佢半年冇聯絡。（係真會唔會幫佢？）睇情況。（主動搵佢？）睇情況。」