祖兒搞生日P金鳳凰賀媽咪

容媽媽生日，祖兒開P為母賀壽。

祖兒與母親感情要好，更不時抽空陪伴她出遊，非常孝心。前晚她邀得一班好友到張敬軒開設的餐廳為母親搞生日派對，並上載相片到社交網，祖兒打扮性感高貴，而蔡卓妍（阿Sa）雖然早前滑水整傷額頭未愈，但仍貼上膠布負傷出席，無損為祖兒母親慶生的心情。至於經理人霍汶希（Mani）和張敬軒亦有獲邀出席生日P，大合照時眾人笑容滿臉。

兩隻金蛋氹「金鳳」

在合照中看到兩個精緻的生日蛋糕，一個是粉紅色的兩層蛋糕，上有一隻小狗造型公仔，相當可愛；另一個則是以容媽媽名字「金鳳」為概念的金色鳳凰造型蛋糕，上面還有兩隻金蛋代表祖兒和細佬，分外見心思。祖兒與母合照時嘟晒嘴，她表示與母心靈相通，同樣希望在同一地點舉行生日P，並發文感謝張敬軒：「細心的軒仔仲安排咗每首都能令佢琅琅上口嘅曲目。」軒仔又親自獻唱一曲《我只在乎你》作生日禮物，大家聽得如癡如醉。

祖兒（右起）、Mani、阿Sa玩得好開心。

祖兒廣邀好友為母親慶生，阿Sa（右）負傷出席，張敬軒（右二）亦高歌助興。