蔡思貝「報復」請余德丞食檸檬
藝人蔡思貝及余德丞（Dickson）昨日到上水出席商場活動，即場做雙人體操，應要求做出心心圖案動作，充滿浪漫氣氛，兩人又演唱一曲，歌藝尚算可以。思貝唱出《下一站天后》，直言心情緊張，因自覺唱歌未夠水準。Dickson唱出《歲月如歌》，提到之前亮相節目《流行經典50年》，問是否想轉做歌手？他說：「咁就太遠！都係因為要上節目先開始學唱歌，一個月都唔夠，未夠水準。」
想情侶檔接Job
思貝自爆曾邀請Dickson合唱情歌，但被拒絕。問會否怕傳出緋聞？她表示樂於以情侶檔接Job，緋聞真偽相信大家識分。而Dickson笑言曾約對方外出食飯及做運動，但被派檸檬，他說：「思貝呢排好忙，時間難就，我惟有咁諗啦！」思貝表示平日會外出做運動，例如於清晨到沙灘游水，Dickson即自薦做救生員。
此外，思貝昨日出席好友孫慧雪兒子Riley一歲生日會，張名雅及楊潮凱都有抱B到場，合照中赫然發現思貝也有抱B！她笑言是負責幫賴慰玲（Winki）湊BB，自嘲做了一日女傭：「我好鍾意小朋友，尋日沉溺咗喺朋友世界一日，Winki周圍介紹我話我係工人姐姐，好搞笑。（好友都結婚生BB，幾時到你？）我依家係同拍劇結婚，仲好享受演戲，暫時唔追求，緣分到自然會到。」