撞車受傷好番未o架?佐治古尼擔擔抬抬

57歲荷里活影星佐治古尼(George Clooney)上周二於意大利薩丁尼亞島駕電單車準備到片場拍迷你劇《Catch-22》期間,被私家車撞到兼撼落對方車頭玻璃,盆骨與手腳受傷,雖然即日出院,但他未有好好留在家中休養,轉眼更飛到羅馬開工!

他本周五被拍到現身自導自演的《Catch-22》片場,撞車僅十日就開工,不過他行動自如,似乎好番好多,不但落手落腳指導演員及親身爬上爬落,更一度請纓去搬大件道具,不過彎腰搬重物都唔搵人或者搬運工具幫手,認真做壞規矩,不算「職安真漢子」!