Gin Lee傳授開騷心得日操夜操

李幸倪坦言為開演唱會，半年前已開始鍛煉體能。

想邀父母來港欣賞

Keeva很想與歌迷一齊唱歌，又想請父母來港欣賞演出：「想講畀父母聽我好開心，唔使擔心我，父母事無大小都擔心。（擔心你搵唔到食？）都係，想我所有嘢都穩定。」她讚Gin Lee早前的演唱會很感性，令她感動哭了幾次，Gin Lee即時畀貼士：「除咗歌要練熟，體能最重要，有時綵排預計唔到，可能到凌晨3點，但第日就要做騷，所以體能至少半年前操練。」

Robynn預告明年嫁

同場還有陳逸璇和組合Robynn & Kendy，早前被男友求婚的Robynn表示：「唔會今年結婚。（出年？）計劃緊，喺香港搞，都想低調啲，婚禮已有Idea，我哋首新歌《青春終老》好適合做婚禮歌。（Kendy做姊妹？）係，不過唔會旨意佢做乜嘢。」Kendy笑言多次做姊妹，但只適合玩新郎環節，並叮囑好友的愛郎小心。Robynn透露其胞姐為她設計婚紗，省回一筆，問到還有甚麼「免費」？Kendy搶着說：「老公嘅愛係免費。」

Robynn（左）預計明年結婚，Kendy自薦做姊妹。

麥家瑜入行十年，很想開個人演唱會。