藝人林家棟昨日去書展宣傳有份聲演的有聲書，今次可謂出錢又出力，他說：「係高永文醫生叫我幫手錄音，仲有車馬費同包伙食，佢個秘書都醒目，問我會唔會將啲車馬費捐出嚟，我咪捐囉，又問我會唔會買書捐出去，我講咗個銀碼，佢話『呃……』我問係咪太少，佢話唔緊要，幫到視障人士同老人家好開心！」他透露錄音錄了七個小時，首次錄有聲書的他慶幸有專人指導：「我想用把Chok啲嘅聲錄，但畀人Ban咗，叫我自然啲。」他不介意重錄，又自薦錄歌，但笑言相信會嚇壞不少朋友。
