沙律又遲到賴的哥掛住吹 Rose Ma拋胸被踩場

多位女藝人及模特兒昨日再到書展宣傳作品，日前沙律偕趙詠瑤宣傳遊記遲到45分鐘，昨日她與組合Super Girls成員陳穎欣（Yanny）與女星廖子妤（Fish）出席書展另一活動再次遲到，她歸咎的士司機兜路：「個司機好鍾意同我講嘢，我由九龍去香港，但佢車咗我去新界！（佢問你攞電話？）咁又冇！但覺得尷尬，啲唔識嘅人同我講嘢，我唔係特別想答。」提到網劇中因情傷而做兼職女友，她透露沒有激情戲，問現實中可有為愛情做傻事？她說：「同男友鬧交會好激動，會郁手掟嘢，但唔會打人，只係打枕頭發洩。」

Kana唔要肌男愛肥仔

至於其他索女以性感搶鏡，電競女神Rose Ma大騷三吋事業線，坦言擔心銷情，所以不敢問銷量：「日日喺書展，希望多啲人買。（佢哋有咩意見？）佢哋話好大尺度，都有啲嚇親，但好欣賞。」而今年同樣出寫真的美女設計師簡幗儀突然踩場，兩人交換簽名作品。

周鎧彤再出寫真尺度更大膽！	沙律令到司機唔記得睇路，結果兜錯路！	Kana晒線做店長，引粉絲埋身。

另一邊廂，擁32H上圍的0靚模楊嘉文（Kana）晒巨胸到攤位做一日店長，烏身簽名又做收銀員，吸引大批龍友狂影！Kana表示推出寫真後網上回響甚大：「有幾個冇見多年嘅朋友搵番我。（男仔追番你？）有男有女啦！」講到同時間撞正袁偉豪簽名會，她笑言對肌男沒興趣，較鍾情肥仔。

周鎧彤預告去盡啲

而有「巨胸張曦雯」之稱的32F模特兒周鎧彤指寫真首批只印800本，因今次用作慈善用途，故性感程度有限制，計劃明年再推出更大膽的寫真集。另外，第二年出寫真的模特兒林凱欣今年到馬來西亞取景，其中一日在天台拍攝半裸，她曾擔心當地人較保守，會向她掉東西，幸好沒事。