杏兒催生B爆鍾意女

藝人胡杏兒昨日出席兒童教育中心開幕活動,對於好友鄭嘉穎及陳凱琳下月拉埋天窗,她說:「如果係,真係恭喜佢,佢都係時候結婚,而且女友又靚又好。希望佢快啲生番個女,之前同佢(鄭嘉穎)拍戲時,佢已經講過好鍾意女。」她又透露兒子Brendan九個半月大已有23磅,她說:「佢好鍾意食嘢,食得瞓得又玩得。雖然抱一陣就攰,但大個想抱都冇得抱。(追多個?)努力中。(想生女?)冇所謂,最重要健康。」同場,藝人康子妮透露大仔林寶14歲、細仔林熙13歲:「大仔好鍾意唱歌,細仔就鍾意玩結他。大仔有講過想入行,我哋會支持,只要唔做賊就得,但要讀好書先。」