藝人黃心穎昨日出席活動，提到有指鄭嘉穎下月迎娶陳凱琳，她開心地說：「confirm咗喇？同佢哋都熟，嘉穎都話約出嚟食飯，未抽到時間見，等我八吓先。（有冇叫你請定假？）都可能請唔到假。」另外，她與藝人王敏奕大談童年回憶，心穎表示幼稚園時期與三個家姐經常扮美少女卡通人物，但被安排扮不喜歡的角色，之後又突然自爆已諗定婚前派對的主題：「係幫家姐（黃心慧）諗，佢10月澳洲結婚，叫我做姊妹，我做過超過十次。（幾時到你？）未咁快，我差啲想講『啋』添！（當做功課？）我由第一次做姊妹開始就做功課，去得婚禮多，將來自己婚禮想簡簡單單。」