林子善應承嘉穎：狗咬都唔講！
藝人鄭嘉穎與陳凱琳（Grace）被本報踢爆下月於海外成婚，兩位主角口徑一致表示有消息再通知大家，而嘉穎好兄弟林子善卻食了「誠實豆沙包」，表示「只會去」、「狗咬都唔可以講」，變相承認。
即將49歲的嘉穎與27歲的Grace發展「父女戀」修成正果，本報昨日踢爆二人計劃下月低調於外地行禮，消息傳出後成為圈中熱話。嘉穎昨日接受電話訪問時未有正面回應，只淡然說：「多謝大家關心，我哋兩個感情好好，至於結婚，有消息再通知大家！」而Grace則與未婚夫口徑一致：「多謝大家關心，我同嘉穎嘅感情好好，有關結婚嘅問題，如果有消息會再公布，謝謝。」
Very Very開心
據悉，嘉穎想低調娶老婆，屆時只邀請十多位至親好友見證，不過其圈中好兄弟林子善、馬國明及黃嘉樂等都已接獲通知。子善昨日回應記者時，玄機盡洩：「Very Very開心！應承咗嘉穎，狗咬都唔可以講，所以我哋只會去，其他嘢我哋唔可以講！」馬國明被問到是否已請假出席婚禮，他說：「係就……恭喜佢啦……你問番佢啦……」
閨蜜口徑一致
至於Grace與閨蜜組成的「少婦聯盟」平日雖然經常聯絡，但今次喜訊似乎仍未向姊妹們透露半點風聲，譚凱琪回應說：「我都係喺你哋嘅新聞先知，係真嘅話，當然替佢哋高興。」沈卓盈說：「其實我唔知，問當事人會好啲！」至於因生蛇（帶狀疱疹）正放病假的龔嘉欣，同樣表示不清楚。而Grace另一好友賴慰玲說：「大家最近工作都好忙，比較少見，我都希望消息係真啦！」陳嘉寶亦說：「冇收到風喎，最大個風咪你哋（指記者）傳畀我囉，我都希望身邊嘅朋友、姊妹開開心心、幸幸福福嘅！」