楊明賀李泳豪開舖被催婚

李泳豪與友人夾份開設的日本餐廳昨日開張，楊明及韋家雄等好友都有到賀，父親李家鼎亦在場幫忙打點。提到舊愛楊思琦出寫真，李泳豪即落閘：「唔回應喇，唔好意思。」而韋家雄與未婚妻拍拖現身，忙於籌備婚禮的他原來仍未「收工」：「啱啱拍完兩套劇同一套電影，等9月煞科就投入去準備婚禮喇！到時會過大禮，結婚相就喺香港影。（婚後造人？）過吓二人世界先，順其自然啦。」
韋家雄（中）帶埋未婚妻到場，賀李泳豪做老闆。
韋家雄（中）帶埋未婚妻到場，賀李泳豪做老闆。

而楊明昨晨拍攝新劇《鐵探》，收工後即趕到撐場，更被「主人家」李泳豪追問婚期，楊明說：「我間湯水舖計劃開分店，仲會搞工場，投資都要成200萬。（咪冇咗好多流動資金？婚期延遲？）都仲有啲嘅，其實我哋冇講實幾時結，係身邊朋友心急啫！」

楊明笑言婚事是「皇帝唔急太監急」。
  • 楊明笑言婚事是「皇帝唔急太監急」。