胡定欣「找尾數」諗定影水着照

藝人胡定欣昨日出席無綫《big big channel大公司周年慶》綵排，與舞蹈團隊合演《宮心計2深宮計》主題曲，並透露周三將參與劇集祝捷。提到多位拍檔就好成績而陸續「找數」，她表示下月放假外遊：「依家忙搵泳衣，希望影多啲相當找數啦！（有驚喜？）之前Po咗張細路女時嘅泳照，第三點要遮花花，當找咗上截數。（激啲影裸照？）唔着？又太嘩然啦！」鄭嘉穎與陳凱琳傳下月結婚，定欣指從報道中得知：「真係就恭喜晒！（你有人追啦！）大家唔好畀壓力我！（放假去培養感情？）了解吓先，可能唔止一個呢！」