岑麗香簽約祖藍旗下攞生仔貼士
上月宣布離開無綫娘家的藝人岑麗香，休息近一個月，昨日容光煥發現身活動。雖然盛傳有喜，但現場所見腹部平坦兼穿5吋高踭鞋，沒有半點孕味。
香香透露早前返加拿大出席老公弟弟及表弟婚禮，亦飛到法國拍廣告，並剛簽約王祖藍旗下工作室：「同無綫完咗7年約，約滿覺得係時候陪屋企人，我仲係好鍾意拍嘢，不過幾多錢同年期就唔講嘞！（之後集中電視、電影定內地發展？）去內地好多功課做，廣東話我都學咗7年，咁學少少普通話都唔怕嘅，依家我都逼老公強強講廣東話。（新公司時間自由啲？）都滿意嘅，之後都長駐香港。」
香香又笑言正為造人計劃努力中，與無綫關係仍然友好，不排除將來再合作。問到可有向祖藍取生仔經？她說：「佢哋好明顯有努力過啦！我就順其自然。（亞男催你快啲生？）冇，反而叫我唔好咁大壓力，咁我都收到好多Tips嘅。（知亞男BB性別？）唔知，等佢自己宣布！」
