想當年（1994年），尚格雲頓（Jean-Claude Van Damme）主演世紀爛片《街頭霸王》（Street Fighter）飾演「軍佬」一角，雖然已經是陳年舊事，但導演Steven de Souza「有冤無路訴」，日前受訪時終於忍不住唱衰尚格雲頓，一開波便說：「嗰陣尚格雲頓索嘢索到癲咗！拍攝嗰陣成日都話唔舒服唔開工，搞到我要睇勻個劇本，摷吓有冇其他角色可以拍！點都唔可以坐喺度等佢幾粒鐘！」
除了導演投訴，擔任《街》片第一助導的Keith Heygate亦批評與尚格很難合作：「發生好多嘢都唔可以向外分享！」查實早於2012年，尚格曾自爆90年代的吸毒史，試過每日狂索毒品。