陳婉婷拍裸背戲：在場演員驚過我！
無綫小花陳婉婷（Hebe）在劇集《宮心計2深宮計》飾演「女史」，由於劇情講到她被殺害後，被除去衣服棄屍郊野，故需要拍攝背部全裸大膽鏡頭。對於今次為藝術而犧牲，Hebe表示拍攝時毫不尷尬，表現十分專業！她說：「第一次拍露背戲都有啲驚，幸好拍攝時導演有清場，加上我打晒底防走光，所以畫面望落我似冇着衫，其實就好安全嘅。反而在場嘅演員同工作人員驚過我，唔敢同我有眼神接觸，可能怕我誤會佢哋亂望，哈哈！」
此外，Hebe在劇中不時與劉心悠同場演出，大讚對方冇架子：「心悠係小天使嚟，講嘢好溫柔，又會照顧大家，有時仲買零食請大家食。之前有一場出浴戲，當時我病住拍攝，佢成日關心我嘅情況，份人真係好Nice！」
