何傲兒踩啱踏腳石登陸彈起
近年北上發展成績不俗的藝人何傲兒（Lily），憑內地劇集成功彈出，工作不斷。原來背後Lily花費過萬元重金禮聘普通話老師，更要漏夜練習發音，雖然現時在內地略有名氣，但她強調香港是其事業發展的地方，絕不會輕易放棄！
近日Lily參演首部內地劇集《歸去來》飾演留學生凱瑟琳一角，孖住內地女星唐嫣上陣，演出令人眼前一亮，她一口流利兼發音標準的普通話，令網友讚嘆。原來背後她下了不少苦功，她說：「本身普通話唔係講得特別好，當一打開對白，見到有好多唔係生活上成日用到，我覺得好有難度，所以搵普通話老師教我。（點搵老師？）本身都喺香港學開普通話，但我返到內地點算呢？唔可能帶埋老師去，所以我搵啲網上學校，其實同老師冇見面。」
萬元學費換讚賞抵畀
當時Lily早上拍完劇，夜晚在別人休息時，她則背劇本及上堂，前後更付了過萬元學費，能夠換來讚美，她認為一切都值得：「我始終都唔會有佢哋個腔，但最緊要係自己有冇盡力，我真係好畀心機！有啲字我真係講極都講得唔好嘅！（值得花呢啲錢？）值得！因為好難得有呢個機會，但劇中我會講廣東話，有觀眾話聽到好有親切感，佢哋話好得意。」
轉場挑戰難度！
《歸》劇一出，除了為Lily在內地提升知名度，工作不斷，早前更接拍內地廣告，她坦言視該劇為踏腳石：「其實去到北京，大家可能未見過我嘅作品，好開心可以喺呢套劇認識到我，但係作為香港演員，喺內地娛圈拍多啲戲係有難度，好多嘢都未必適應制度同環境，係一個挑戰，我暫時都適應到。（中心放喺內地？）香港始終係我屋企，同埋呢度係我事業發展嘅地方，我唔會放棄，只不過內地嘅市場有佢嘅吸引力。」
單身等緣分到
2018年只是過了半年，但Lily已憑《歸》劇及劇集《波士早晨》扮醜女而引起關注，她坦言十分開心：「我嘅演出係有努力到，好開心大家睇到我嘅演技，多過睇到我其他嘢，其實我係好開心，今年覺得係幸運嘅，但係我個人比較懶，覺得自己有好多嘢想做，但未夠效率。」已單身四年的她現時專心事業，但緣分到不會抗拒：「最緊要係同對方互相支持。」
場地：福岡.烏龍魚男
髮型：Dave Wong＠IL COLPO Platinum
服裝：Ameliestreet FromClothingOf
鳴謝：Barry＠relaxdearhk