張文慈Madam威威見曱甴嚇餐死
藝人張文慈（Pinky）3號風球下拍攝「劈友戲」，她直言以往曾遇過類似情形，雖然事隔多年仍猶有餘悸！一向視曱甴為死敵的她竟於街上「中死穴」，嚇得她大叫，差點撞向陌生男，場面搞笑！
Pinky、馮盈盈、張頴康及李中希等，日前於油麻地為無綫新劇《解決師》開工，劇組出動約70位臨時演員，加上「豬籠車」及道具警車等，拍攝一場警方圍剿黑社會的重頭戲。當天正值3號風球懸掛，打亂了拍攝進度，一眾演員等多過演，而手執壘球棍及道具刀的臨時演員充斥整條街，令附近街坊誤以為真開片。
打風都趕戲
Pinky於劇中扮演高級督察，其後變節的她內心戲頗重，她笑言加入無綫後接演每個角色都不同，大有發揮機會。談到「劈友戲」，她直認真的見過類似情形：「當年同朋友去消夜，原來隔籬枱坐住個通緝犯，警察一嚟到就圍捕，諗起我都驚。」談到打風開工，她指以前試過由3號波拍到變8號波，都要趕工，她的裙更被吹到飛起，好彩沒有走光！由於落大雨關係，街上突然曱甴來襲，Pinky被嚇得不顧形象，整個人跳起，令人忍俊不禁。
張頴康「御准」親熱
至於馮盈盈今次更要放下矜持，主動追求張頴康，二人稍後將拍攝親熱火辣戲，由浴室咀到床上。談到這場戲，盈盈說：「諗緊點同男友講，佢唔係做呢行，呷醋可以理解。上次同楊明拍，我已經要逐個鏡頭解釋畀佢聽，畀佢知乜係借位。」她又搞笑向康仔「求救」，康仔得戚笑言有同老婆講：「佢聽完後話『就係咁？』，又叫我每套劇都要搵啲嘢盡量突出自己。講真，男演員拍呢啲場面唔好受，既要幫對手借位，又驚畀人話鹹豬手！」