簡淑兒受情傷拒主動溝仔
有「仙氣女神」之稱的簡淑兒（Jessica）昨日上電台宣傳新歌《謝謝你傷過我》，曾受情傷的她坦言拍拖會有少少陰影：「要多啲時間了解對方，冇以前咁任性、咁易投入。」又自爆23歲時曾主動追仔，不過戀情只維持半年。
講到日前29歲生日，Jessica指當晚只跟家人食飯慶祝，問為何不約朋友舉行生日派對趁機識男仔？她即恍然大悟稱冇諗過，又指父母日日催促：「呢啲逼唔嚟，可能愈搵愈冇，Daddy、媽咪每次講電話嘅尾句都係叫我唔好做嘢做到咁辛苦，要去搵個男仔，又話女仔幾成功都冇用，要有家庭先得，我就會話畀兩年時間搏殺，不過都講咗3次，哈哈！」她指沒計劃結婚年齡，亦不接受另一半是圈中人。