姚子羚逛名店交戲秘道閃人

姚子羚在名店內閒逛，但最終冇幫襯，與龔嘉欣從秘道離開。

37歲姚子羚與拍拖三年的有米男友鄭子邦分手後，除搬離男方位於赤柱紅山半島的豪宅外，過往出入有司機接載的她，即回復「貼地」生活，早前被拍得慳家搭港鐵。

日前下午，子羚在黃埔接受電台訪問後，與女助手步出，第一時間查看手機低頭覆短訊，之後到附近商場行街，期間途經一間正在做大減價的時裝店，她即入內選購，睇完衫又睇裙，埋頭密密揀，並拿着一條淺藍色的連身短裙拼上身埋鏡照，之後又摷平貨，未幾已買下心頭好，助手負責拿着大袋戰利品走人。

約龔嘉欣行街

其後她們乘租車前往尖沙咀，子羚在街頭會合一男友人，傾談幾句後，男友人先行離開，之後再在該處一間Cafe會合，同場還有好友龔嘉欣。

姚子羚孭住新款手袋埋鏡左照右照，龔嘉欣在旁畀意見。	姚子羚在時裝店內掃減價貨。	姚子羚回復單身，重過「貼地」生活。

逗留約半小時，子羚離開時見到有記者，即孖住嘉欣及女友人到附近名店閒逛，期間睇鞋又睇手袋，更不時埋鏡左照右照，即使被途人眼望望，她一樣交足戲繼續試，而嘉欣則向店員詢問，不過擾攘一輪最終由秘道離開。