沙律爆男友 日日煲靚相

網紅「沙律」張沛樂及趙詠瑤（Kimi）昨日再到書展出席簽名會宣傳旅遊寫真，報喜指單人封面的一千本已售罄，將加印一千本雙人封面新版。她們認為單人封面較性感，而有14歲少年希望有較保守的封面，可以叫父母買，Kimi說：「我喺書入面都有啲比較性感嘅泳衣相，但係喺適合場合，冇理由喺屋企都無啦啦着泳衣。（暗寸其他寫真對手為露而露？）係我自己接受唔到，覺得應該喺泳池同沙灘先咁。」沙律則說：「人哋嘅性感我都欣賞，但我係旅遊主題，唔想太性感，想大人細路都啱睇。」問男友林耀聲可有欣賞其作品？她指男友日日睇，慢慢欣賞：「佢話可以再好啲，期待有更多造型。（叫佢影？）佢影相好差，影到黑麻麻。」