馮盈盈Bra飛墮奶 麥明詩跟風剝光豬

麥明詩（左）同馮盈盈愈來愈放，講到明鍾意真空！

馮盈盈、麥明詩（Louisa）、鄭俊弘（Fred）、單文柔及湯洛雯等，昨日出席無綫《big big channel大公司周年慶》記者會。對於被前華姐冠軍余思霆在節目《#後生仔傾吓偈》中踢爆在房間脫光內衣褲作裸體大解放，盈盈自言在私人地方裸體並沒問題，又指裸睡對發育及血液循環都有好處，更說：「我又唔鍾意戴Bra，唔需要承托力，只係想靠地心吸力墮啲，我都鼓勵大家Free the nipple（解放乳頭）！其實當時係我除衫先，除完佢（余思霆）就贏咗華姐冠軍喇！」問到在男友面前是否同樣不穿衣服？她大膽地說：「我唔着入面嗰啲，有時落街買嘢咪着件厚啲嘅衫囉！」

Louisa力撐盈盈不戴Bra，又自爆：「喺英國讀書時好自由風，住宿舍時見個個都唔着衫周圍走，就好自然都會咁，慳番唔少洗衫錢，底褲又唔夠着喎，都係為咗環保節約能源啫！」

見到咁多着數，盈盈（右）興奮到手指指！	鄭俊弘（左起）、胡鴻鈞及張振朗企定定合照。	蔡思貝

• 傅嘉莉晒腿上陣，蔡思貝相比下較密實。

鄭俊弘為女友護航

另外，對於有指女友何雁詩為保事業，拒與星夢娛樂續約，Fred即為女友護航：「其實公司對佢好好，冇話捧一個歌手就唔捧另一個嘅，佢呢排都錄緊新歌，再加上拍劇，真係好忙。」而星夢娛樂高層何哲圖透露何雁詩已續約，現時正為她製作新歌。