陳展鵬Plan娶老婆 單文柔畀阿媽追問

藝人單文柔（Phoebe）昨日現身無綫活動，對於男友陳展鵬接受本報專訪時三次表示與她有結婚計劃，盡顯有擔帶一面。Phoebe不諱言看到報道時呆一呆，母親也發短訊問個究竟。她冧爆指男友很認真，現等待適合時間及緣分出現，並說：「啱都可以嘅。（私下有共識？）冇特別講，但生活上諗法就有傾。（展鵬冇行動求婚？）冇，不過我都有同媽咪講，我冇先斬後奏。（媽咪唔想你咁快結婚？）我開心佢（展鵬）咁講，開心又驚訝，成日笑佢老土，佢係好傳統，但同佢一齊好開心，想開花結果，所以等緣分啦！」