藝人韋家雄與拍拖數月、較他年輕近廿歲的女友鄧楚雅（Keynes）即將拉埋天窗，二人日前入紙排期註冊，10月6日會於旺角帝景酒店設宴。韋家雄昨日受訪時表示，現正忙拍無綫劇《牛下女高音》，一有時間就會搞婚禮事宜。他說：「其實有好多嘢未搞，自己都忙緊，好辛苦先搵到酒店場地，印帖未搞，仲要搞過大禮啲嘢！」而Keynes結婚當然要靚靚示人，故近日忙揀婚紗，問到家雄會否給意見時，他笑說：「佢鍾意就得，始終都係要佢心頭好。」相信未來老婆聽到真係冧到暈！