早知Stephy王子拍拖 方力申：我好大方

方力申（小方）昨日與陳志健、王大業等人出席活動，講到舊愛鄧麗欣（Stephy）與台灣前棒棒堂成員邱勝翊（王子）公開戀情，問到恭喜了Stephy未？明顯有備而來的小方笑言：「兩、三個月前已經知，證明我守秘密幾好，有見過佢哋，唔止一次，冇尷尬。」問到可是Stephy告知他拍拖？他即笑言：「太Detail啦！（覺得佢哋襯唔襯？）女仔鍾意咪得囉。（你覺得自己定王子靚仔啲？）冇得咁講，又唔係選美。」問到可有過幾招給王子？他尷尬笑言不說這些。