陳豪用糖收買仔女預咗老婆鬧

陳豪昨日以賽車手造型出席健康品牌活動，提到太太陳茵媺帶子女到加拿大探親，終於可以「放暑假」，他說：「佢哋走咗我都唔知點，有啲空虛，多咗時間，睇電視都睇唔到咁耐啦！」對於網民讚太太是Super Mum，他直言生三個不容易，還要親自湊，問到能否應付到獨自湊三個小朋友？他說：「I'm a Super Dad！做好準備就OK！媽咪可能會規範啲，我就會用糖同朱古力賄賂佢哋，不過最後可能畀媽咪鬧！」