宋熙年幸福肥佗B零走樣

陳智燊攬實「妻兒」擺Chok樣。

Sarah昨日接受本報訪問時表示想趁懷孕留倩影，故安排今次拍攝，更自爆肥了十磅：「我覺得佗B就算肥少少，個線條都好靚，係幸福肥，但都感恩我只係有少少水腫，自己都想影線條感重嘅相，老公都盡力配合，佢話自己係免費模特兒，主角係我同BB。」

少食多餐

講到肥肚唔肥人，她毫不吝嗇公開心得：「食多啲蛋白質、蔬菜，我有食保健嘅維他命。依家醫生都冇話要食兩個人分量，其實照平時食量，少食多餐，有咩想食都照食，當然生嘢同海鮮就少食，所以Keep到咁嘅身形囉，亦都要多謝Boss Baby（指BB），冇令我走樣。」

宋熙年佗B仍力保S形曲線。

宋熙年感謝BB讓她保持Fit爆身材。