JW「代駕司機」被取笑「待嫁」

歌手王灝兒（JW）與林德信（Alex）昨日到尖沙咀出席Volkswagen新車活動，身兼瑜伽導師的Alex更即場教JW瑜伽動作。JW透露獲Alex做「柴可夫」載她到場，她已有車牌十年，但久沒揸車，近日有揸番車，但到九龍就唔識路。問到可有被男友取笑？她說：「冇呀！我叫佢要好有耐性咁教我，唔可以鬧我，唔係我會唔想揸車o架！所以佢最近特別有耐性同愛心。」近日世界盃賽事熱播，與朋友一起睇波時，為了令朋友盡興，她會滴酒不沾做「代駕司機」，不過卻被取笑為「待嫁司機」，令她尷尬傻笑。