歌手梁漢文早前在卡拉OK睇波時，不慎撼枱角爆缸縫37針，出院後一直休息。昨日，他隨明星足球隊出發去俄羅斯，透露傷口復原進度不錯，現時每日更換紗布，防止細菌感染，並再次感謝醫護人員的悉心照料。他表示受傷後有繼續游水及踢足球，踢波時會盡量避開頂頭槌：「見到個波時，個頭自然會縮。（太太有冇叫你小心啲？）都冇特別，今次同一班波友去享受足球，太太冇同行。（唔敢再去唱卡拉OK？）有都唔去啦！自己全程都唔唱歌。」
