李亞男下廚 祖藍嫌難食𠺘口

藝人李亞男昨日到電台宣傳烹飪書，透露用了一年多來儲食譜：「其實我識煮嘢食都係呢一年嘅事，之前都係喺挫敗中成長。」問到之前失敗時，老公王祖藍可有直指不好吃？她笑說：「之前拍拖嗰陣煮咗啲湯同食物失敗，佢會即刻話難食同推開，仲要飲水𠺘口，可能佢由細到大都係食家。（咁咪好大壓力？）係o架，所以我之前立志結婚之後唔會煮嘢食，但後來做咗太太就改變咗，因為都想老公食得健康啲。」問到祖藍現時對其廚藝有何評價？她笑說：「佢係咁話『你好叻呀！』係咁同人講太太煮嘢食好味。」