歐詠怡寶貝爭寵細恰大

擁有33D「導彈胸」的模特兒歐詠怡,深受宅男歡迎,惟感情一直未有着落,不過有兩隻愛犬陪伴左右,生活絕不孤單,她透過東網巨星節目《巨星Pet Pet》分享與愛犬的難忘經歷。

新一集《巨星Pet Pet》請來歐詠怡任嘉賓,甚有愛心的她,飼養「朱古力」十年,早前又收養「妹芝」,兩隻愛犬雖然同屬貴婦狗,但性格截然不同,相處上需要磨合:「佢哋嘅性格啱啱相反,『妹芝』狗仔細細,但就好鍾意恰老大『朱古力』,成日追住佢條尾嚟咬,本身細膽嘅『朱古力』就更加驚,同埋對佢有少少呷醋。」

被咬傷頸險喪命

10歲的「朱古力」一向健康,但早前遇意外險喪命,令歐詠怡十分心痛,她說:「佢畀鄰居隻狗狗咬到條頸,依家諗番仲係好傷心,因為當時帶佢去寵物醫院度,醫生話如果咬歪少少,分分鐘會冇命。」幸而「朱古力」現已完全康復,回復昔日狀態。

「小霸王」唔識落樓梯

10歲的「朱古力」及8個月大的「妹芝」同為貴婦品種,雖然「朱古力」是大家姐,但生性膽小又怕事,一直被妹妹「妹芝」欺負。而家中小霸王「妹芝」都有弱點,歐詠怡笑說:「佢唔識落樓梯,所以同『朱古力』追逐時,只可以望住人哋跳上跳落,好面懵,哈哈。」

妹芝

年齡:8個月

性別:雌性

品種:貴婦

性格:活潑、開朗

強項:為食

飼養年期:約5個月

朱古力

年齡:10歲

性別:雌性

品種:貴婦

性格:細膽、乖巧

強項:舔人

飼養年期:9年半

《巨星Pet Pet》每集均會請來不同藝人分享與星級「萌寵」的相處之道,包括廖碧兒、羅敏莊、陳婉衡、李旻芳、楊秀惠及吳安儀等,張秀文、葉翠翠等陸續登場!節目在東網App及東網網頁播放,大家可隨時隨地收看及重溫。

https://bit.ly/2ujt8HO