JW拒主宰男友
歌手王灝兒（JW）昨日到電台宣傳新歌《主宰》，她表示聽新歌時有去了太空的感覺，亦大呻很難唱：「當中有好多高音位，係好似一座山咁愈嚟愈高，我用咗四日時間嚟錄，因為中間又病咗。」
講到新歌內容，她表示情侶很容易受對方的所作所為影響到一整日的心情：「可能佢唔覆Message會令到你唔開心，或者可能你本身預留咗嗰日畀佢，但佢又一直冇搵你，咁你又會唔開心。」問她可是這類人？她笑說：「我一時時啦。（男友做咗啲咩主宰你？）我哋唔會主宰大家。（你唔會預留晒啲時間畀佢？）我哋啲時間好Balance ，又要做嘢同埋陪屋企人、朋友。」另外，講到好友馬天佑與孫耀威因借衫鬧出風波，她說：「可能中間有啲誤會，但我唔講咁多啦！」