朱晨麗：我要嫁畀煒哥
一對新人昨晚在九龍灣設宴，藝人陳山聰、吳卓羲、袁偉豪及張寶兒等到賀，而朱晨麗、陳煒（煒哥）和胡定欣更被催「快啲搵到另一半」。與陳煒結伴到場的朱晨麗自言很傳統，想快些找伴侶組織家庭！陳煒更笑言：「唉……所以依家咪去多啲飲宴，物色一下。」朱晨麗笑指會充當紅娘，幫她物色一下。記者又笑她為何不與緋聞男友何廣沛一齊前來？她說：「我有煒哥嘛，我要嫁畀佢，平時拍劇都成日同床，差在未一齊沖涼，如果有個好似佢咁體貼嘅男友就好喇！」
胡定欣與陳山聰同來，被問到「有着落未」時，她說：「未有時間，山聰佢哋成日話介紹男仔畀我識，但佢哋啲朋友全部結晒婚。（識到男仔帶畀山聰佢哋過目？）一定唔會，佢哋嚇走人呀。」
莊思明與楊明拍拖現身，問到是否來取經？楊明笑說：「係吖！好似取西經咁，好漫長，其實每次去婚禮，都會留意人哋有咩做得好，等第時加落自己婚禮度。（幾時？）有排，希望不久將來。」
