寸爆借衫講大話馬天佑道歉 孫耀威：送畀你都得啦！
歌手孫耀威（Eric）早年在尖沙咀開設禮服訂製專門店，昨日突然在社交網發文，怒罵一名自稱借西裝出席大型品牌活動的馬姓藝人，他寫道：「剛剛發現一位所謂藝人來我店借西裝，說是去『CHANNEL』活動，原來只是去馬來西亞參加朋友婚禮！其實你不用講大話啦，告訴我們真實用途就可以了！這樣不是更顯得你的低手嗎？！我送畀你都得啦！」他還回覆網民：「我不在Fan Page Post已經仁至義盡！不想炒新聞！益埋佢！」及後Eric接受本報訪問時說：「因為私人FB事，費事搞大了，多謝理解！小事一樁！」
「試時冇問清楚」
至於剛剛與藝人吳千語出席完馬來西亞友人婚宴的形象指導馬天佑，成為嫌疑人物之一，他回覆本報查詢時說：「我啱啱由馬來西亞返香港，已經即時向同事了解咗，證實咗的確有件咁嘅事。不過我之前真係唔知道，我喺公司試嘅時候冇問清楚西裝係如何借返嚟就攞咗出Trip。不過點講都好，咁樣做係好唔啱，我喺呢度衷心同Eric道歉，亦都已經同同事講咗，唔可以再有同樣嘅事發生，今次件事真係好對唔住，我會再親自同佢道歉。」