吳業坤擇偶條件：肉體上唔成熟都得！
歌手吳業坤、JW（王灝兒）、許廷鏗和鄭欣宜昨日出席電台活動，為將放榜的DSE考生打氣。坤坤自爆當年會考只得11分，中文科成績不合格︰「作文係拎U，照升上中六後，拚盡力用一年時間補習，之後重考中文科拎到C，作文仲要5星，突然間跳級！」難怪他自嘲「人一生都好好彩」。
密謀咀田蕊妮
提到將與前輩田蕊妮合唱，他興奮指是浪漫情歌，填詞人為黃偉文：「佢問我可以擺邊個女性朋友上台，咁我就膽粗粗打電話畀阿田，點知佢一口應承，新歌《大女人主義》係講姊弟戀、成熟女人嘅味道。」問到是否鍾情成熟女人？他害羞地公開擇偶條件：「思想要成熟，肉體上唔成熟都得，年齡要合法！」又指正度MV內容，問到可有親熱戲？他抵死笑說諗緊：「點到即止，睇吓加唔加，希望佢老公（杜汶澤）唔好話我。」
而JW憶述當年會考放榜心情輕鬆，其後轉讀國際學校是希望隨家姐步伐去英國讀書，又講到相對外國，在港讀書壓力較大。