克勤驚燈死英格蘭睇電視都行遠啲！

譚詠麟（阿倫）、李克勤、2017國際小姐澳門代表麥嘉欣及顧紀筠昨日出席餐廳開幕，阿倫透露會率領藝人到俄羅斯睇世界盃，不過英格蘭忠粉克勤就不會同行，他笑說：「我之前去咗現場睇咁多次，英格蘭都係輸，我係明燈，希望今次唔去，英格蘭會贏，而且我去又要帶埋小朋友同老人家，唔好勞師動眾。（係咪連電視都唔睇？）睇！行遠啲睇！希望英格蘭都可以行得遠啲！」

阿倫囝囝隔代遺傳踢波細胞

問阿倫會否一家大細去觀賽？他稱只會自己去，因為兒子曉風要返工，至於兩父子是否支持同一隊伍？他坦言：「我向來都話係比利時同法國，我唔知佢捧邊隊，佢有睇波，佢會Send個短訊嚟話呢場好好睇。（囝囝有踢波細胞？）隔代遺傳吖嘛！」另外，問到阿倫和克勤會否再合作做生意？他們稱先搞好現有的雲吞麵店，終極目標是上市。而之前傷腰的克勤表示臥床四日及接受物理治療後已痊愈。

至於麥嘉欣即將卸任澳門小姐，她透露有機會接拍香港電影，又忙拍新歌MV，工作排得密麻麻，但感情生活就欠奉。

另外，克勤日前到青島為央視世界盃特備節目《最佳時刻》錄影，大唱經典金曲《護花使者》及《紅日》，他透露正籌備全新國語大碟。同場的師妹許靖韻則獻唱《K歌之王》獲觀眾讚「好聽到喊呀！」節目播出當晚，人氣強勁的她登上微博熱搜榜。