王敏德一見鍾情自揭搶人老婆

王敏德與馬詩慧向來恩愛，原來這段關係始於不倫戀！

王敏德（Michael）與胡渭康前晚為選美活動擔任評判，受訪時問到選美準則，Michael突然感性：「我覺得有心機就得，睇到佢哋（參賽者）咁年輕企喺個台做各樣表演，令我諗番起自己第一次行騷，真係緊張到唔知應該點做！」

爆馬詩慧倒追

這個「第一次」至今已事隔26年，但Michael仍歷歷在目，原來當時發生了影響一生的事情，他說：「遇到馬詩慧囉！當時佢唔係我嘅，而係人哋嘅馬詩慧，我仲同化妝師、髮型師係咁讚呢個模特兒，佢哋叫我唔使諗，事關當時馬詩慧有另一段關係。」其實馬詩慧年前接受專訪，亦曾親口承認當年因為Michael介入，令她與土木工程署總技師丈夫黃重生離婚！再問到Michael如何排除萬難，發展下去？他笑說：「唔係好難啫，第二日佢就約我睇戲喇！之後佢去咗法國公幹，大家分開咗兩個星期左右，佢返嚟我哋就繼續約會。」他又主動揭秘：「我哋拍拖冇耐，佢就去睇醫生想懷孕，當時佢啱啱有咗！我哋識咗七個月左右結婚，當時佢已經有咗BB五個月。」

準備隨時抱孫

在長達26年的關係中，Michael言曾出現問題：「婚姻冇問題，係我個人有問題。結婚七至十年左右，我好似發緊燒咁，個腦好亂唔知想點，但後來好番晒。」他又直言已做好準備，隨時做外公或爺爺：「我好想幫手湊，但啲仔女好似好有計劃咁，未必會咁快！我個仔試過同五個女仔去派對，我問佢啲男仔去晒邊？再問有冇拍拖，佢都話冇。」

Michael很關心子女的感情狀況，仲好恨抱孫！	心直口快的Michael自爆情史。	胡渭康與王敏德等為選美活動擔任評判。