「社工女神」胡可欣唔Mind忘年戀
模特兒胡可欣（Koei）正在理工大學修讀社工學位，兒時因家庭問題曾接觸社工，覺得此行業甚有意義，於是跟胞姐都修讀此科。擁有D Cup上圍的她有身材又有愛心，堪稱「社工女神」。
氹掂老人家
Koei實習過後發現做社工比想像中困難，有很多事情要面對，最難忘是跟老人家相處：「開頭班老人家都會抗拒，點解要同個（口靚）妹傾偈？但我日日早上7點去陪佢哋，最終都感動到佢哋，有一個孤僻婆婆仲同我做咗朋友，原來佢都好多嘢講，仲送隻金錶多謝我，我唔知幾錢，但一定好有紀念價值，件事令我好感動。」
偶像周潤發
畢業後有意在演藝圈發展的她，最想跟偶像周潤發合作，因小時候已睇他做戲，特別鍾意賭神：「覺得佢高大靚仔、好男人又冇架子，有一次好遠見到佢畀人圍住，我冇追上前搵佢自拍，但見到都好開心喇！」未來揀另一半，Koei都要熟男，更心心眼指周潤發是理想人選：「覺得同齡男仔太幼稚，就算發哥大我咁多，我都接受到。另外就要有愛心同孝順，我見過有男仔呼喝媽咪，對阿媽唔好，咁對老婆都唔會好！」
Profile
胡可欣（Koei）
年齡：22歲
身高：1米66
三圍：34D、24、35